.
*సంక్రాంతి పండుగ సందడి.*
సంకురాతిరి పండుగ సంతసంబు,
సకల జనులకు భాగ్యంబు చక్కనిచ్చు,!
మురియు చుందురు ముంగిట ముగ్గుబెట్టి,
భోగి సంక్రాంతి కనుమలె భోగమౌను !!
పిండి వంటల ఘుమఘుమ పిలుపువచ్చు,
తీయ నైనట్టి మాటల తేటదనము,!
నందరొక్కటి, గూర్చుండి యందముగను,
నారగింతురు మురియుచు తీరుగాను.!!
భోగి మంటల గాల్చేరు మూగికొనుచు,
పాత వైనట్టి వస్తువు, చేతబట్టి,!
మంట లెగయగ బెట్టుచు మమతలెంచి,
కొత్త యాశల గోరెరు కూర్మిమీర! !
అమ్మ యమ్మమ్మ తాతయ్య లక్కతోడ,
పిన్ని,బాబాయి,వదినమ్మ,యన్న,యనుచు!
నత్త మామయ్య, బావని,ఆదరించ,
బంధుమిత్రుల కలయిక యందమౌను.!!
🌻🌺🌻🌺🌻🌺🌻🌺🌻🌺
అంబటి భానుప్రకాశ్.
దుప్పల్లి.వనపర్తి జిల్లా.
9948948787.
....,........,.........,......
