ఆ**
కాయ గూర దినుము కండకూ బలమౌను,
ఆకు కూర లన్న యలుసు వద్దు
ఆకు కాయ లేర ఆయువు బెంచును
మరువ వలదు భాను మంచి మాట. !! 1
ఆ**
జీవి జంపి దినగ సేమమే గాదుర
శాఖ హార మన్న శక్తి గలుగు.
ఆకు కూర లుండె అమితమైనబలము
మరువ వలదు భాను మంచి మాట. !! 2
ఆ**
లంక గాల్చిహనుమ లంఘించె గగనాన,
కడలి మీద నెగిరె కాంతి తోడ
హనుమ దిన్న దేమి యడవికాయలుగాద
మరువ వలదు భాను మంచి మాట. !! 3
ఆ**
కొండ లన్ని దిరుగు కోతుల గుంపులు,
దొరికి నంత దినును దూర మనక!
చేరి గట్టి నాయి సేతువు గనలేదా,
మరువ వలదు భాను మంచి మాట.!! 4
ఆ**
బలము గలుగు దినుము బాగుగా మాంసము
ననుచు చెప్ప గలరు యాస బెట్టి
బలము గలిగి యున్న బలహీను డెట్లయ్యె
మరువ వలదు భాను మంచి మాట. !! 5
ఆ**
పప్పు యన్న మన్న పాయస మేయౌను,
శాఖహార మన్న సార ముండు, !
పప్పు ఒప్పు ననెది పదిమంది మాటరా
మరువ వలదు భాను మంచి మాట. !! 6
ఆ**
పాల కూర యాకు కలగూర. కాయలు
శక్తి నిచ్చు తనువు చక్క గుండు.
రోగ మన్నది లేదు రూపులే బాగుండు
మరువ వలదు భాను మంచి మాట. !! 7
No comments:
Post a Comment